Ogranak Matice Hrvatske z Velike Gorice i nijov precednik Stjepan Rendulić su odlučil Turopolske večeri raširiti po celomu Turopolu. Prvi teri su se prijeli domačinstva su Društvo žena Pleso i KUD Pleso teri su nas prošlu nedelu 14.05. ob 6 vur popoldan prijeli vu svojemu Društvenomu domu. Sem već gore spomenute na ove Turoppolske večeri su nastupali; Etno udruga Kurilovec, KUD Velika Mlaka, Vinogradarski bend, Stjepan Vitez i Ogranak Seljačke sloge Buševec. Sega je tu dobroga bilo ze se krajov Turopola od recitaciji, običajov, pesme, plesa, svirke, do dramske predstavi. Najvažneše je da je se bilo na domače Turopolske kajkavice i da su se i publika i izvođači dobro zabavili. Čez večer nas je vodil Ivan Klafurić z Donje Lomnice, a mi smo odpevali Devojku , Oblake (dekle), Stal sem se zarana (tamburaši) i odsvirali polku čifuticu i Turopolskoga drmeša. Posle programa su domačini počastili z domačemi klobasi i gemištima tak da je se bilo kak se šika. Turopolske večeri nastavlaju svoj pohod po Turopolu v nekom drugom kraju.